Твоето расположение ти е напишано на лицето
но со еден мал оперативен зафат на зборот
со една искрена широка насмевка отспротива
со еден охрабрувачки поттик на вистински пријател
со една мала шега со која грижата оди бестрага
може да ти се затегне лицето да ти се смали носот
и да ти засветкаат очите кои ти се на умирање –
излези од дома од таа повеќекатна гробница
и придружи ни се во групната терапија
тебе не ти треба психијатар
тебе ти треба карактерна шанкерка