Си ги одмеруваат стомаците
си ги погодуваат месеците –
онаа што сега излегува од WC
утре влегува во деветти
храната е вкусна
но се воздржуваат
би запалиле и цигара
но сопрузите негодуваат
три столчиња во три ќошиња –
каде и да седнат тие се во чекална
три блажени состојби
со нагон за повраќање
(повраќаа и лани – од текила и пива)
првата би сакала девојче
втората прво па машко
третата само што не екслодирала
”што и да е – само нека побрза”
се залажуваат дека се успешни
деловни жени
чија кариера ќе заврши со
пеглање пелени
всушност само уште малку
ќе бидат бремени
и дури потоа ќе станат докажани
успешни жени