од „Суд(бин)ско толкување“

Безгласни Цигани,
мечкино пиво нема повеќе на менито,
затоа, пак, служат специјалитет на куќата:
Пушкин на скара.
Готвачот внимателно го раскостува.
Кај Црвената змија нема манири,
можеш да јадеш со раце.
Поетот осуден на молк ја доби утробата.
Гладниот творец на реклами загризува во сочниот бут,
а мене келнерот ми го принесе срцето!
Џвакам ли џвакам.
Колку е сув пост-постмодернизмот!