репертоарот неочекувано се расипа.
пејачот почнаа да го издаваат слухот и гласот.
омарнината беше неподнослива, главоболката неминлива;
пивото млако, какофонијата неподнослива,
девојките нервозни и непристапни;
господе, каков хаос во главата!
а требаше сосем да се разбистрам
кружејќи со чамец околу островот,
на кој безгрижните нудисти
ја сончаа својата целост,
убави, грди, несмасни и елегантни:
чедо зјапаше во осамените убавици на карпите,
а потоа важно го земаше двогледот и
со есеистичка внимателност ги разгледуваше деталите:
потоа нагло се всидри и скокна во море:
водата е ебано топла! – рече смирено
чедо, капетан на долга пловидба, со
матично пристаниште во хамбург,
кому денеска бродот му го пратија на сечење
а тој не пушти ни солза,
туку мирно ја меркаше мазната кожа
на младата и немирна германка
која ладнокрвно заплива покрај
всидрениот чамец и потоа
плутајќи на врелото попладневно сонце,
гола и неповторлива,
го викаше неодлучниот тип,
кој сè уште мрзливо ги соблекуваше
гаќите во дивиот, шупликав камењар
2001-08-18