На ангелот на црквата
во Лаодикеја напиши му…
Откровение 3:14
На умирање е твоето сонце
во зајадлив агностицизам.
Во чистиот Логос,
во сејазични оди
се тревожат -исти и -изам.
Кога слепиот слеп води …
Очоболите се неретка вистина.
Во мрежа се фаќа
по црвениот златник
доволно гола дама,
чекори во ледена граѓа …
Ах, Лаодикеја, Лаодикеја!
… обајцата паѓаат во јама.
Срамно е невесто „чиста“
да милуваш едно па исто.
Ќе те изблуе Неговата уста.