Дека е можно на друмско светило
да никне негација – можно е!
И (дека) ако идејата те зграби било
за рака, било за нос – твое е
дали ќе коленичиш на Дидактика
да спечалиш староформна умешност
или во енормна прилика
ќе го гониш гностички, со гнојна пцост,
кортексот по врат, по шија …
Важно е само да е здодевно и тажно …
И има и нема елоквенција.
Неважно е кога е здодевно и тажно …
А дека сè може да се порекне
да се даде отклучок – можно?!
(Луѓе, па па како милувате, галувате!)
Требаше да се заклучи можеби само вратата.