Состојби на духот и телото по триесеттата

Еј ти на секое лонче капаче,
татко ми сè уште ме прекорува
кога му велам дека
инаетот ми е од него.
А мене умот не ми дојде.
Не се освестив
не се заозбилив.
Сè си терам едно те исто –
на барањата за грчка виза
пишувам Битола, Република Македонија,
ги трошам парите за да имам
што да заработам.
Пак се заљубувам
за да ми се вратат
откако ќе ме остават.
Од инает, ами од што,
како инаку да се делува?