Состојби на духот и телото по триесеттата

Мислам дека го видов Робинсон.
Ни го караше Петко војводата
да не чепка нос по прес конференции.
До него седеше Колумбо
јадеше прасечко, печено на овчи лој,
широко насмевнат оти тој прв
однел вошки во Америка.
А и војската еве ни се врати,
прегладнета, мртва, уморна,
киклопи ја водат, орли ја вијат.
Државниците никаде ги нема.
Само нам, жените,
грлата ни останаа за тажење.