Бебоп хипнози
Одложи ја книгата што ја читаш,
замолчи ги тапаните, контрабасот
клавирот &
саксофоните.
Повикај мугри.
Помири се со фактот
дека без себе
не стигнуваш никаде.
Престани да размислуваш за другите.
Секој е заменлив.
Познавам барем четворица
како мене, толку ми се слични што
разликата е едвај забележлива.
Многумина не веруваат
дека постои разлика.
Преброј ги чекорите
и нишани со мирна рака.
Време е за одмазда
на цвеќето на секој балкон.
Хипноза на бебопот
Ќе нè проголтаат саксофони и нивните тенори. Ќе заспие статуата на Буда во полицата на продавницата на третиот кат. Бесконечниот трговски центар е светилиште на модерната доба на кое му ја принесуваш жртвата на сопствената сентименталност. Промените тешко се препознаваат и не можат да ги забележат усните потпрени на писокот на моите дилеми. Мелодијата останува неоткриена. Но мапите и дијаграмите не лажат. Забележано е уште едно во низата последни љубења. И дојде ноќта, најавена со тенките опна на темнината. Измамниците ќе ги изместат типките на клавирот за веќе никогаш да не им ја вратиме смислата. Ти и јас нема да доживееме одење по урнатини. На хипнотизираните светот останува, иднината ним им припаѓа.