Вечера (тајна?)
Отпосле, во Елеонската Гора
кога испозаспаа од премногу
испиено вино
Вечерата падна во сомнеж
Лебот што го благослови
не беше само негово тело
Виното – неговата крв
Но тогаш од каде
идејата за Јуда:
Предавник. Саботер. Профитер.
А тоа неопитно момче
стои над масата со дванаесет празни стола
ја држи чашата во која виното пламти.
Од неа
(од неговата крв?)
да се напие уште тој.
И тој!