Штом ќе слушне како се затвора
вратата на колата, го зема црвеното
топче и го мрда целиот задник.
Смртта вели, “Кој е добро момче
ти си добро момче.“ Па се пресоблекува
во стари алишта и излегуваат
во дворот зад куќата.
Блеки ќе трча по топчето
додека не се измори, а потоа ќе
се преврти со изваден јазик
но погледот му останува на Смртта,
која сака да се бори
ама никогаш не се развикала
а камо ли да фати в рака
весник свиткан во тутурутка.