На денот кога зборовите
ми беа земја…
им бев пријател на стрништата.
На денот кога зборовите
ми беа гнев
им бев пријател на прангите.
На денот кога зборовите
ми беа камен
им бев пријател на потоците.
На денот кога зборовите
ми беа побуна
им бев пријател на земјотресите.
На денот кога зборовите
ми беа горки јаболки
му бев пријател на оптимистот.
Но кога зборовите
ми станаа мед…
муви ми ги прекрија
усните!…