#3 Jesus Volt е едно од најновите откритија од Франција. Составот постои седум години со повеќе од 500 концерти зад себе (Франција, Германија, Холандија, Белгија, Шпанија и Австралија), со многу продадени носачи на звукот. Составен од четири силни музички персони: Lord Tracy (вокал и усна хармоника), Mr. Tao (гитара), Lenine McDonald (бас) и Magic Doudous (тапани), ова е состав на созреани и талентирани музичари кои ги изненадуваат своите слушатели со секоја нова песна од нивниот репертоар. Музиката на Jesus Volt е современ хибрид на електронски звуци, со фундамент длабоко врежан во традицијата на блузот од четириесеттите и педесеттите години, фанкот на седумдесеттите, минувајќи низ рокенролот од минатиот век, но во исто време отворен кон сите предизвикувачки звуци на новиот милениум. Најновиот албум “In Stereo” беше снимен во јули 2005 под уметничката рака на Tony Cohen, авустралиски продуцент познат по соработка со Nick Cave, Sacred Cowboys и Michael Hutchence. Составот се одликува со квалитетен сопствен материјал кој ја отсликува неговата тенденција кон создавање квалитетна звучна слика базирана врз сопствена музичка перцепција. Со музички групи како Jesus Volt, уште еднаш се потврдува дека рокенролот не е тука само да остане, туку и да е подготвен да ја премине границата на утрешнината.
уметноста е внатре
