#6 Popa Chubby е веќе познато име во рамките на оваа дискографска фирма со чести изданија на оригиналниот материјал. Неговиот најнов проект е наречен “Stealing The Devil’s Guitar” и со него продолжува по веќе разработената музичка патека со повремени изненадувања. Popa го внесува слушателот во неговиот свет на сонично и лирско спасување, тоа е блуз, рокенрол, рап, фанк и сета она што го одбележува Њујорк на музичката мапа. Во звучна смисла, ова е албум со многу богата текстура, со многу квалитетни и инвентивни изведби, било да е во прашање класичен „слајд“, акустика, мандолина, дури и ситар и, се разбира, доволна доза на жешката блуз-рок гитара! Урбаниот рап во темата “Smuggler’s Game” содржи вкус на Средниот Исток кој го пренесува слушателот преку егзотичните граници во контекст на четири минутната композиција. „Вестерн“ сагата на “Young Guns” ја подготвува сцената за пресметка помеѓу старото и новото, бидејќи доколку сакате да ја земете гитарата од ѓаволот, ќе морате да ја украдете!
Срцепарателната тема “Young Guns” која тематски се надоврзува на претходната, зборува за искушенијата на недовербата, а самиот проект го надградуваат одличните изведби на познатите теми “Bold As Love” (Jimi Hendrix) и “In This World” (Jessie Mae Hemphill). Албумот “Stealing The Devil’s Guitar” го претставува
Popa Chubby како сериозен музичар, полн со самодоверба, потврдувајќи го неговиот статус на современата блуз сцена.
уметноста е внатре
