20 години од дискографската фирма Dixiefrog Records

/, Звук, Блесок бр. 48/20 години од дискографската фирма Dixiefrog Records

20 години од дискографската фирма Dixiefrog Records

Dixiefrog
Jesus Volt
Gwyn Ashton
Monster Mike Welch
Popa Chubby
Duke Robillard

#7 Новиот албум на Duke Robillard со наслов Guitar Groove-A-Rama” беше со нетрпение исчекуван од неговите фанови и, конечно, еве го тука во сиот сјај што го заслужува. Воедно, ова е и најамбициозен албум во кариерата на овој повеќепати наградуван гитарист.
“Guitar Groove-A-Rama” всушност претставува извонредна благодарница на мајсторите од минатото, сите оние што ја инспирираа сега веќе долгата музичка патека на Duke Robillard. Самиот почеток на албумот навестува какво возбудливо доживување го очекува слушателот, фанки темата “Do The Memphis Grind” како посвета на големите James Burton и Steve Cropper и од тој момент започнува соничното задоволство кое ќе продолжи и откако албумот ќе заврши! По патот, Duke го истражува пулсот на Делта блузот (“Gambler’s Blues” на Lil’ Son Jackson), џезираниот госпел “Sunday Mornin’”, порција Чикаго блуз преку Sonny Boy Williamson (“One Way Out”), соулот на Ray Charles (“I’ll Do Anything But Work”), кантри-блузот на Bob Dylan (“Down Along The Cove”), дури и познатиот стандард “Danny Boy” добива свеж третман и звучи извонредно! Овој албум изобилува со светли точки, но во секој случај, дефинитивно најефектно делува шеснаесет минутната?!) тема “Blues-A-Rama” низ која Duke им оддава почит на десетмината свои омилени гитаристи од минатото и сегашноста, со брилијантна изведба во живо во студиото. На албумот Duke Robillard ги користи услугите на своето стандардно трио (Mark Teixeira – тапани и Jesse Williams или Marty Balou – бас). Станува збор за музичари од највисок калибар кои повеќе години го одат истиот пат со својот музички лидер. Тие придонесуват кон совршена тонска презентација, полна со финеси и длабоко доживеана изведба. Тоа беше потпомогнато и со инструментариумот на Duke Robillard во кој се застапени ретки и стари гитари од почетоците на блузот, а нив во неговата колекција ги има во солиден број. Тоа придонесува за автентичноста на звукот и атмосферата на минатите времиња. Неколку специјални гости, долгогодишни пријатели, дадоа свој придонес кон успехот на албумот: Doug James – баритон саксофон, Bruce Bears – Хемонд органа и Al Basile – корнет. “Guitar Groove-A-Rama” е совршено добар албум кој треба да се има в предвид за секоја колекција на снимен материјал.

Duke Robillard – Gambler’s Blues.mp3

2018-08-21T17:21:26+00:00 јуни 4th, 2006|Categories: Осврти, Звук, Блесок бр. 48|