Христина Иваноска

/Христина Иваноска
Христина Иваноска 2022-04-02T11:59:51+00:00

Project Description

Христина Иваноска (1974) преку својата уметничка практика се интересира и ги истражува прашањата поврзани со потиснувањето, контролата и градењето на колективната меморија во однос на стратегиите и политиките на отпор на жените, критички осврнувајќи се кон искуствата на денешните социјални и политички системи и нивната поврзаност со теоријата и историјата. Таа создава објекти, текстови, цртеж, видео, перформанс и инсталација, често интердисциплинарно, давајќи и вредност на рачната работа како што се везот, ткаењето, грнчарството и пачворкот, како медиум од политичка и општествена вредност преку која се изразува индивидуалната борба и ограничувањата. Таа изложувала во MOMus Experimental Centre for the Arts, Солун; 2nd International Biennale for Contemporary Art “Autostrada Biennial”, Призрен; Kunsthalle Darmstadt; Музеј на современата уметност, Загреб; Museum of Sculpture – Królikarnia Palace, Варшава; Research Pavilion, 57th International Venice Biennale; Mузеј на современата уметност, Скопје; Национална галерија на Македонија; MUMOK, Виена; Künstlerhaus, Halle für Kunst & Medien, Грац; National Museum of Contemporary Art (MNAC), Букурешт; State Museum of Contemporary Art, Солун; Slovak National Gallery, Братислава; nGbK – Neue Gesellschaft für Bildende Kunst, Берлин; Open Space – Zentrum für Kunstprojekte, Виена; <rotor> Association for Contemporary Art, Грац; Konsthall C, Стокхолм; Magazin4 – Bregenzer Kunstverein; Mузеј на современата уметност, Белград и други. Од 2000 година соработува со Јане Чаловски, а нивната инсталација „Ние сите сме сами во ова“ беше изложена во македонскиот павилион на 56. Венециско биенале. Во 2004 година го ко-основаат Проектниот простор Прес ту егзит (press to exit project space) во Скопје како меѓународна платформа за уметничко истражување и кураторски практики. Во моментов Иваноска е докторски кандидат на Академијата за ликовни уметности во Виена.

Related Articles