Project Description
Мајкл О Конгејл е роден во 1962 година во Галвеј, Ирска. Еден од водечките современи прозни писатели на ирски јазик. Исто така е и издавач. Во 1997 година, Ирско-Американскиот културен институт му ја додели книжевната награда Батлер. За расказот Татко од неговата втора збирка раскази Човекот кој експлодира е добитник на книжевната награда Хенеси истата година. Добитник е и на книжевната награда Хенеси за млад ирски писател. Неговиот прв роман Меѓу луѓето е објавен во 1999 и бил во потесен избор за наградата Ајриш тајмс 2001. Преведуван е на романски, хрватски, албански, германски, полски, англиски и македонски јазик. Неговата трета збирка раскази Човекот кој никогаш не се смее е објавена во 2003 година, а првата негова драма, Cúigear Chonamara, истата година е наградена со наградите: Стјуарт Паркер / ББЦ Улстер, Ојреахтас, и Писателска недела / Листовел.