Project Description
Елена Алексиева е автор на 13 книги поезија и проза, збирки раскази: Читателска група 31, Кои, и Синдикат на домашни миленичиња, како и на романите Рицарот, Ѓаволот и смртта, Нобеловецот и др. Пишува и драми, во 2014 публикувани се збирката драми: Ангелски оган, а во 2015 и монодрамите со наслов: Жетва на љубовта.
Носител е на наградите: „Хелион“, „Аскеер“ и „Икар“ за современа бугарска драматургија, како и на наградата на Здружението на независните театарски критичари во Бугарија.
Романот „Свети волк“ (2018) е добитник на наградата „Роман на годината“ на Народниот дарителски фонд „13 века Бугарија“, на годишната награда за проза на порталот „Култура“ и на националната награда за проза „Перото“, на Националниот центар на книгата.
Најновата книга, збирката раскази „Прекинувањето на самсара“(2021), е добитник на националната награда за литература „Јордан Радичков“, како и на наградата за проза „Перото“.
Елена Алексиева живее во Софија, Бугарија, каде работи како независен преведувач и писател.