Project Description
Кристин Димитрова (1963, Софија) е бугарска поетеса, писателка и преведувачка. Авторка е на четиринаесет збирки поезија. Нејзини збирки се издадени во Велика Британија, Ирска, Индија, Чешка и Чиле. Авторка е на романите: „Сабазиј“ и „Ќе се вратам за тебе, како и на три збирки раскази: „Љубов и смрт под кривите круши“, „Тајниот пат на мастилото“ (преведена на македонски 2013), „Кога ќе пристигнеш, јави се“ (2017). Завршила докторски студии по социјални комуникации.
Кристин Димитрова е носителка на седум награди за поезија („Иван Николов“, „Иван Пејчев“, Награда на Здружението на бугарските писатели и др.), четири награди за проза („Христо Г. Данов“, „Перото“ и др.), како и три награди од Сојузот на преведувачите во Бугарија. Нејзините книги, песни, раскази и есеи досега се објавени во 37 држави и на 29 јазици.