Превод од хрватски: Елизабета Баковска
Па, што, ако невешто живеам
Ако се тетеравам
размрцварена пред илјадници очи
Скоро истепани, до доцна ги подредувам славеј пилињата
Отворам и отворам во нив екрани на далечината
Што, ако сакам да дишам, да јадам
кај што има хранлива супа од воздух и книги
за кои ќе заседнам
ќе ја потпрам брадата на дланката
раката дур не ми се исуши
а капаците не ми се стврднат
Па, што, ако од вас земам само книги
усни за нашиот бакнеж