Препев од англиски: Лидија Димковска
Претворена во уво над огромниот касетофон
го очекувам нејзиниот збор да ме вознесе
да им даде значење на нештата што ги правам
да заблеска поради тебе – Ни помадата
па дури ни маслиновото масло не можат да излечат сè,
тоа постојано плетење и расплетување
на плетенките што ги остави
кога ти ја избрикоа главата
дамо во пантофли (заштитена со закон)
поради тебе се кубам, на телата облека
им се само моливот и каранфилот,
а ти се отелотворуваш дури во моите раце
прелистувајќи ми ги ко книга
кожата, челото, образите.
Нејзината песна со ништо не дава знак
дека таа копнее по девојка.
Всушност, таа го превртува зборот
па морам да ја премотам касетата
за да ја чујам појасно,
а потоа сликам Стапало
Население чиј центар си ти
и – почнав да бројам лижење по лижење.