Облечен во мојата дрвена природа
се одморам во сопствената сенка.
Преку карпите
се наводнувам
течејќи со другите
во меко единство.
Кога небото ми е облачно,
ја облекувам мојата громовска природа
го празнам товарот од мојата моќ,
наводнувајќи се себеси земниот.
Потем, разведрувајќи се, носам долги бели пердуви
од хоризонт до хоризонт
и ги обрабувам моите граници,
ги обрабувам рабовите на небото.
од англискиот превод на Хелена Берг и Фиона Сампсон