Читање на тишината

/, Блесок бр. 71-73/Читање на тишината

Читање на тишината

Изградба на писмото
Симулација на соучесникот
Хорови на обичната смрт
Космичка верзија
Привиди на Медитеранот
Можен распоред на стиховите
Имиња на копнежот, женско име
Доживување на собата

Ќе исчезнат овие градови,
овие зачмаени часови, успеси,
навики, ѕверства…
И онаа силна човекова воздишка

која е сродена со немерливата
тага, ќе биде дел од некоја
идна пустина. Ете, овде е
можно да се повикуваат зборовите,

тие трепети пред земната
вистина: светот е единственото
чудо на јазикот! Тоа ја објаснува болката

на секое спознание, но – ќе исчезне секоја
трага, врежана во длабоките претсказанија,
во речиси досегнатиот одраз.

2018-08-21T17:21:02+00:00 јуни 30th, 2010|Categories: Поезија, Блесок бр. 71-73|