Утринска служба

/, Блесок бр. 32/Утринска служба

Утринска служба

Утринска служба
Снег
Фантазија
Отстапнички ветар
Рана темница
Прво сеќавање

Кога ве создадов, ве сакав.
Сега ве жалам.

Ви дадов сè што ви требаше:
кревет од земја, ќебе од чист воздух –

Колку повеќе од вас се оддалечувам
сè појасно ве гледам.
Вашите души безмерни досега требаше да бидат,
а не она што се,
мали, зборлести нешта –

секакви дарови ви дадов,
синило на пролетно утро,
време што не знаевте да го искористите –
посакавте уште, дарот единствен
за друго создание чуван.

Колку и да се надевате,
нема да се најдете во градината,
меѓу другите растенија.
Вашите животи не се кружни како нивните:

вашите животи се птичји лет
што почнува и завршува во тишина –
што почнува и завршува, следејќи ја формата
на лакот од белата бреза
до јаболкницата.

АвторЛуис Глук
2018-08-21T17:21:41+00:00 јуни 1st, 2003|Categories: Поезија, Блесок бр. 32|