Утринска служба

/, Блесок бр. 32/Утринска служба

Утринска служба

Утринска служба
Снег
Фантазија
Отстапнички ветар
Рана темница
Прво сеќавање

Превод од англиски: Македонка Божиновска

Сакаш да знаеш како го минувам времето?
Го изодувам предниот тревник, преправајќи се дека
плевам. Треба да знаеш оти
никогаш не плевам клекната на колена, корнам
купчиња детелина од цветните леи: всушност
барам храброст, барам доказ дека
животот ќе ми се смени, иако
за тоа треба цела вечност, да се проверува
дали секое стракче го има симболичното
ливче, а летото наскоро привршува, веќе
лисјата премираат, секогаш болните дрвја
се први, смртта добива
блескавожолта боја, а неколку темни птици изведуваат
свој музички полициски час. Сакате да ми ги видите рацете?
Празни се сега како при првата белешка.
Можеби суштината беше секогаш
да се продолжи без знак?

АвторЛуис Глук
2018-08-21T17:21:41+00:00 јуни 1st, 2003|Categories: Поезија, Блесок бр. 32|