Конфучие, или некој друг азиски мудрец
со многу харизма, рекол дека дури и рибата
нема да згреши ако си ја држи муцката
затворена, рече тато. Неговите
поговорки најчесто се неотворени
кинески колачиња. Ама сепак
оваа е поточна од другите
оти вечерва ќе јадеме
риба. Некако ми е мило што
рибава не ја слушна древната
мудрост и си ја зјапна муцката,
оти веќе ми се смачи од телешко
и пилешко. Ама ако рибата
не слушала не значи дека и ти
не треба да слушаш. Извини ако
те навредив за големината на муцката.
Држи си ја средно големата муцка затворена.