Трамонтана

Во паркот, еден човек јаде јаболко
а дрвјата околу него се свиваат
тревата им вирее од стеблата
му се гужва околу стапалата
потокот турка тревје на брегот
човекот гризнува парче од јаболкото
и го остава да му се топи на јазикот
го цица сокот од него и го џвака
потокот се смалува зад грмушките
гранките се шират од дрвјата
по стеблото се качува некоја животинка
скока и трча по полето
крај попатното зеленило
назад покрај потокот низ гранките
до човекот што ги скрстува рацете
во полето далеку во паркот.