потсети ме на убавото
на заборавениот запис за совршенството
потсети ме на сонот на гасениците
на тајниот живот на коралите
потсети ме
на насмевката на виножитата
на брезите од улицата на соништата
потсети ме на убавото
на најубавите кули од карти
на добрината-старата изглодана коска
потсети ме
можеби ќе се предомислам
во овој претпоследен миг
со копачот пред да замавнам
во огромното колено на космосот
(1991)