Смешниот облик на копнежот

Судбината никогаш не е решена.
Две илјади песни подоцна сепак
врвот од овој мал прст останува неисполнет.
Можеби си живеела важно
во некој град или како неважна кофа
дупната крај бунарот во некое старо правливо селце.
Ништо од ова не е важно кога сè уште
не си го сторила она поради кое си дошла.
Не прашувај го моќниот јак глас што е тоа.
Будала си ако ги слушаш мрморењата
наменети за други краишта на земјава.
Заспана во твоите три кревети од цвеќе
или танцувајќи за готовина
е исто како и препирката со сонцето
или читањето приказни на морето.
Би требало да уживаш во ова предупредување.
Да чистиш зад себе
е сè што Господ бара.