Предвремено будење

/, Блесок бр. 59/Предвремено будење

Предвремено будење

Предвремено будење
Исповед на дете
Weltangschauung
Мирисот на смрчките На татко ми
Топла крв
Сакате ли вода?
Вода, о да!
Големата Мајка

Веќе не се будите во иста соба.
И она што е невидливо не е исто.
И во навиката на будење има измени.
Предметите со кои се поистоветувате
не ви се подеднакво туѓи.
Секој облик бара посебен одлив на свеста.
Гладта за препознавање е отворен процес:
Финеганово бдеење
.

Овошјето од еден обичен плакат
го поместува тлото под душникот
го лизга ровко и несопирливо
и ве пренесува во детството
– небаре тоа е на едниот, а
вие на другиот крај
небаре сте биле еден без друг
вие, кои не сте смееле –

повторно ја доживувате возбудата
на окото и моливот
кога сте цртале гроздови, круши и јаболка
и сте го наслушнале разговорот
меѓу мечтата и раката во којашто
се влевал еросот на иднината.

Детството се враќа на тајна врата
и открива вишок живот, вишок минато:
она од што не можете да се откажете.

И повеќе не се прашувате зошто
стварноста не е доволна за да се сонува
и што е тоа кое не е јаве

а постои!

2018-08-21T17:21:11+00:00 мај 10th, 2008|Categories: Поезија, Блесок бр. 59|