Неколку укажувања кон првата љубов
Таа е како историјата на полската поезија.
Во антологијата која започнува со
Милош, Шимборска, Ружевич и Херберт
Никој друг нема шанса да каже нешто што ќе остане запаметено:
излишен еволуционизам,
краток постмодернизам,
дребна сентименталност.
И после
како да им објасниш на децата,
дека не се деца и на твојата голема љубов,
дека не ги носат гените на благодарноста.
Како да признаеш,
дека си го пропуштил животот во обид да ја заборавиш,
зашто била толку близу и истовремена со тебе,
дека ти бил потребен друг јазик, за да не зборуваш за неа.