ПЕСНИ ОД КНИГАТА „КРСТНА КОСКА“ (ПНВ, 2019)

/, Литература, Блесок бр. 144/ПЕСНИ ОД КНИГАТА „КРСТНА КОСКА“ (ПНВ, 2019)

ПЕСНИ ОД КНИГАТА „КРСТНА КОСКА“ (ПНВ, 2019)

картографија на огнот
крстна коска
бездомен ветер
sans-papiers
бездомник


бездомник

живеам во туѓи простори
меѓу туѓи луѓе го движам моето тело
луѓе коишто не го врежуваат моето постоење
туку само моите сенки

запленет пасош сум
во креденци на хотелски рецепции
ме одминуваат сигнали залутани
во етерот на радиостаниците

од јавни говорници се јавувам
го барам гласот на татко ми
тој клокоти во ехото на далечината
нѐ дели само стаклото залепено со здив

се викам со многу имиња
и припаѓам на многу нации
но само ова тело ми припаѓа
иако од него се разделувам

за да се вратам во себе
во мојот татко
во мојот дом
што не постои
[што никогаш и не постоел]
во едно име што го нема
освен она што вие ми го наметнавте:

исковано од срцевината
на моите скршени коски

АвторНаташа Сароска
2022-07-12T07:21:19+00:00 јули 11th, 2022|Categories: Поезија, Литература, Блесок бр. 144|