Еднаш се уплаши од убавината
те фати страв од неа
од непознатото во неа
и отсуството на решетките
и од она што е зад ѕидот
Ти беше полесно да останеш
во познатото, твоето
дури и кафезот ти се виде убав
некако многу убав
И како кокошка
пуштена низ село
ти вечерта се врати
во својот кокошарник
А утрото
таа од буништето
ти од кафезот
гледавте птици на небото
и ти беше мака
што не можеш да леташ
некако многу мака