Не сум подзабавен автостопер
не сум циник во триесеттата
животот е суров
кон оние кои не се духовити
станувам ситничав
станувам расипан
и неделниот ручек кај старците
е нема комедија
со пресинг од политика
и малку отров во последната секвенца
дисциплина –
дали е тоа страст?
поредок –
дали е тоа нечија шега?
зборовите не функционираат
телевизорите се угаснати ѕвезди
станувам нервозен
станувам осамен
во совршениот свет
случајностите не се случуваат
седам пред чинијата
со прободени образи
влегов во кутијата
и со несигурни чекори
учев да бидам
зрел
бадем, лимон, мајмун
станувам осамен