Офелија, градинарка (избор песни)

/, Литература, Блесок бр. 149/Офелија, градинарка (избор песни)

Офелија, градинарка (избор песни)

ПОЕТЕСАТА ЗА МИГРАНТСКАТА КРИЗА
ПИШУВАМ НАМЕСТО СЕСТРА МИ
ДУШЕК
МОНОЛОГОТ НА ОФЕЛИЈА
НЕПРИГОТВЕН ГРЕВ
ЛЕТО ВО ГРЧ
ДОПИРИ
ТЕАТАР В КУЈНА
СЕМЕ
НОЗЕ
СВАДБА


СЕМЕ

се сеќавам како по смртта на својата ќерка и својот сопруг

ги полнеше со земја лимените лончиња, загорените шерпи

разнишаните фиоки, немливите куфери, мароканските чајници

кутиите од алат, сандаците од играчките

да можеше, ќе направеше да изрти и креветот на кој умреа

но ти остана – тебе

полнеше со земја: влажна, плодна, ровка

сè што ќе најдеше

садеше:

чуваркуќа, босилек, власец, пркос, чубрика, мелиса, нане, диво оригано

сè што можеше да никне, а раснеше како среде радиоактивна зона

ми зборуваше мудрости на земјата

тивко и побожно како да читаш од значајни стари записи

секоја започнуваше со зборовите:

еднаш еден човек од Херцеговина ми кажа

земјата напролет се полева навечер

а налето наутро оти преку ден премногу се загрева

на лутите пиперчиња главата треба да им е на сонце а нозете во вода

власец се сее во кутичиња, босилекот не се посипува со земја

како и кога се сади – ме научи

но не ми објасни дека садеше и садеше

зашто не можеше да го поднесеш она што остана во куќата:

празно и безживотно

те навредуваше, те прогонуваше и болеше

секое ситно семе незасеано

АвторНиколина Тодоровиќ
2023-03-17T05:09:47+00:00 март 12th, 2023|Categories: Поезија, Литература, Блесок бр. 149|