погоди што
=
компилација
од стебло
гранки лисја
замислени корења
и суспензија
на неверување
=
лето и мулитпликација
на тенди и сенки
=
почвата земјата
прашината инсистираат под
стапалата
се фрлаат кога главата
ми прави трансакција
и неотпор
на воздухот
=
и јас
страдам од четирите
годишни времиња
=
безлисното и бесплодното
во огнот
опстојуваат дури
и без слика и ид.
=
наспроти речникот
и ботаниката
наспроти Моне
и Гете
наспроти моите очи
и мојот јазик
поттикнување на семето
=
тој прв час
по цртање во основно
училиште вечната загуба
на зеленото плус заведувањето
и смирувањето на виденото