Во сандали преку снежниот нанос
со танго околу вратот
Можеби има темни денови
светли ноќи, светулкава мембрана од надеж?
Но полумесечината не дава никакви надежи
Боровата шума молчи
Екстаза на беспаќа: волчешки траги
водат право во сонот
Ѕвездениот знак го загрева погледот
кога насоне го празнам меурот
Крилја на сланата, –23°C
и наскоро е полноќ
Целиот свет сè уште е тука,
пар педали остануваат од животот
Зимско царство владее
далеку е до Рио де ла Плата …
Од Кучешки знак, 1987.