Мојата Ева

Мојата Ева

Мојата Ева
Пред одар
Оживување
Присеќавање
Посета
Изрод
Двојства
Екстаза
Единствена жена

Тајно
Да не знае светот
Да го имаш цветот
Здивот да му го вдишиш
Мирисите да ви се измешаат
Белезите
Тајно
Да не знае никој
Да имаш Некој
Кон кого да се припиваш
Од кого да се опиваш
Но пак трезна да си
И пак своја
Тајно лачејќи си мисли
Тајно лечејќи си лузни
Тајно
Во друг да се препознаваш
Во друг за себе да дознаваш
Колку си своја
Колку си се изобличила
На Друг си наличила
Колку телесни белези си примила
Ко знак на припадност
Тајно
Да ти тече низ вени
Без да се смениш
Пак иста да си
Таква да го плениш
Во заговор
Против сите жени.

2018-08-21T17:22:14+00:00 август 1st, 1998|Categories: Поезија, Блесок бр. 04|