Празнината го родила морскиот полжав.
Морскиот полжав – вулканскиот остров.
Вулканскиот остров – гуштерицата со кикиришка.
Гуштерицата со кикиришка – Молзачот на Облаците.
Молзачот на Облаците – Крадачот на медот.
Крадачот на Медот – Градителот на Градовите.
Градителот на Градовите – Собирачот на Даноци.
Собирачот на Даноци – Разурнувачот на Тврдини.
Разурнувачот на Тврдини – дваесет илјади тенкови.
Дваесетте илјади тенкови биле неплодни
и не можеле ништо да родат.
Во нив одново се населила празнината
размислувајќи дали вреди сè да се почне од почеток.
Лоши соништа
АвторВлада Урошевиќ