Ќе направиме ли еднаш
обетки од ѕвезди
златару,
задгробен духу на металот?
во одѕунот свечен о длабока штама
леарот Хирам штом скрсти раце,
муграта штом крене клепка,
Еразмо што шавне
од Вавилон до Ватикан
еднаш –
Ќе направиме
далеку од увото
на премудриот Елилуј,
од подземниот ќеркински чекор
кон шаторот на земјољубецот –
од стопена ѕвездена скрама
ќе направиме
и не само еднаш
и не само во ваква однелетна песна
Ана-Јудита!