во зениците на градот
гушнати
куќи две
малата старичка
мајка на големата
чиниш
секој миг очекува
градот да трепне
и
да биде погребана
од големата
а сепак
и во двете
деца
но децата во големата
често се губат низ собите
и ходниците
па се наоѓаат во малата
бабичка
што постојано
им плете приказни
за калето на ридот
каде одамна
веќе никој не живее
помеѓу
трепкањето
на градот
Игра со сенки
АвторБорче Панов