месечината е пес бесен
од несоница се умножуваат
гласовите
во главата на стробоскопската слика
врескаат носени од налетите
на лудото југо
па и да ги затворам
прозорците празнината почнува
веќе таму каде завршува
телото на бескрајната кохова
крива долж која те начнува
стравот
saving your settings…
windows is shutting
down
но од
месечината нема
сокривање нема
бегање од нејзиното
остро ’ржење и ти нема
сон