1.
Дувам во пепелта,
со дувањето се губам, исчезнувам
со него, брзо се трошам,
нагло се обѕирам:
сум останал со помалото делче
а издуваниот дел ми стрчи,
проникнува низ мене, ме прегледува, подобар е од мене,
за уста е побрз и ме превива,
остатокот е за во ќош, за во џеб,
издуваниот дел се
свртува и целува, тропнува,
остатокот бега а песјата глава
му е поставена кај лаежот.
2.
Вдахнови се од пепелта, возбуди
се во неа со солзи и со химна.
Направи си во пепелта излез
од сонот или од проповедницата и од љубовта.
Доостари во пепелта, дотажи се во неа
и во пепел претажи се.