Божица на подивените мачки

Со денови не излегувам од станот
Темелно го чистам
па повторно го валкам
Јадам остатоци од храна
Пијам чудни коктели
Го зголемувам купот кеси со ѓубре
Зборувам сама со себе
Час сум Јулија час сум Ромео
Телефонот и интернетот одамна се исклучени
поради ненаплатени сметки
Телевизорот ми е најдобра пријателка
Гледам канали забранети за малолетници
Ѕвончето ѕвони
Не се ни обидувам да видам кој е
Врне постојано
Грми застрашувачки
По улиците нема никој
Некаков празник е
Не и за мене