Бикови во мојот крвоток

Ова дрво еден ден ќе биде дом.
Под претпоставка
дека нема да ја снајде
судбината на смоквата
од Ерусалим,
можеме да се надеваме
дека наскоро ќе се сладиме
од плодовите.
Доколку наредните зими
тоа го дозволат,
мојот труд ќе добие сатисфакција.
Во спротивно,
сувиот труп
ќе го употребиме како колец,
за некое попитомо
и посилно дрвце.
научено на лутина.
Да речеме дуња,
за собата цела зима
да мириса на есен.