Поезија – Зоран Анчевски

/, Литература, Блесок бр. 124/Поезија – Зоран Анчевски

Поезија – Зоран Анчевски

1
2
Магла
4
5
6
Привид
Последниот поход
Поплака на стариот воин
Доаѓања – заминувања?


3. Магла

На Амир Ор

Маглата не може да ја развее ни клетва,
ни молитва. Тоа реката поти морничави утра.
Во очите го нема зракот што рие
и се насладува на секоја трепетна слика.
Нема кој да ти каже што е напред, а што назад.
Знаеш одамна да одиш, но чекориш потамина
во оваа средна земја: ни горна, ни долна.
Си мислиш: земјата што ја напуштив
беше поарна, нештата си имаа име на показ –
патиштата свои патокази, домот свои приказни.

Чекорот го мериш со препки врз голиот камен
во кој е врежана историјата на секој човечки пад.
Со кандило го бараш денот во себе
што ти коткаше одлучна мисла. Се кошкаш
самиот со себе и пелтечиш загубени птици
чиј продорен крик ја реже реско маглата
од оваа загадочна небесна пантомима.

Јамуна, Агра,
Индија, 2013

АвторЗоран Анчевски
ПреводЗоран Анчевски
2019-04-16T10:33:39+00:00 март 30th, 2019|Categories: Поезија, Литература, Блесок бр. 124|Tags: |