Превод на македонски: Ѓоко Здравески
МОЖНОСТИ
Од темнината на космосот прво никнале неколку морници.
Неколку малечки, тркалезни испупчувања од
кои секое во себе носело уше од игла.
Наскоро од тие празнини никнале влакна
проѕирни низ кои можеле да се видат
различни страни, четврти димензии
и многубројните лица на рефлексијата.
Едно влакно запеало:
Јас сум бисексуално!
Второто трнејќи заустило:
Еве ме, никнувам од самракот!
А третoтo од страв затреперилo:
Јас сум невидлива имигрантка.
Цврсто се вивнале во етерот,
податни и чувствителни
во својата проѕирност.