Мали раскази

Мали раскази

Во градината
Сетило за мирис
Смртоносна математика
Глас
Што сега?
Доцнење
Газда во куќата

Ристо имаше 27 години кога умре мајка му. Татко му умре по 12 години, а неговиот брат близнак, кој никогаш не ја прежали смртта на брата си, таткото на Ристо, се уби по два месеца. Неговиот син загина 3 години потоа, заедно со останатите членови на својата планинарска група, некаде во австриските Алпи. Точно 35 години претходно, се роди сестрата на Ристо. Таа умре 10 години подоцна, односно 5 години откако се роди Ѕвездана, првата жена на Ристо. Ѕвездана се зеде со Ристо 22 години подоцна, а се разведоа по 6 години и 6 месеци брак. Две години потоа, но сега не во истиот град, Ристо се ожени по вторпат. Неговата втора жена имаше брат кој беше 4 години постар од неа, иако изгледаше како да е најмалку 10 години помлад. Само 8 дена по нивната венчавка, нејзиниот брат падна по скали и си го скрши вратот. Кога го слушна тоа, неговата свршеница, која беше бремена, се онесвести и се струполи на каучот. Тогаш ниту нејзе, ниту на детето – кое беше девојче – не им беше ништо, но по 12 години, на школска екскурзија, девојчето падна во запуштен бунар и се задуши пред до неа да стигне помош. Ристо тогаш имаше речиси 55 години.

2018-08-21T17:20:48+00:00 септември 21st, 2013|Categories: Проза, Литература, Блесок бр. 91|