Годишна ликовна награда за млад уметник „ДЕНЕС“

#12 Проектот „Западен Балкан (весник за еден измислен регион)“ се однесува на формирањето на Западниот Балкан – одредба поставена на самитот од Европската Унија во 1998 година. Во овој публицистички проект, весникот вклучува серија на ракописно испишани текстови и фотографии фокусирани на претпоставките кои се образувани за регионот Западен Балкан.
Во весникот се истражуваат негативните претстави поврзани со регионот Западен Балкан и, што е уште поважно, се посочува на нивната внатрешна противречност: дека тие во крајна линија не соодветствуваат со состојбите и со идентитетите во регионот, туку постојат како проекција создадена за еден измислен регион.