ЛЕТААТ СЕМКИ ОД ЛУБЕНИЦИ
Летна шеширот на ветерот.
Очите затворени, незнајни јазици.
Брегот се брани од бранови збудалени.
Дише душекот. Се лупат кожи препечени.
Чамец и мамец, јадица и весла.
Гумите за пливање вежбаат летање.
Неколку капки дожд и сите се разбегаа.
Само ти, божем Посејдон со харпун
збрцан како сидро во песок.
Вода под тебе, вода во телото твое,
кое, кај и да е, ќе се стопи како
медуза на плажа.